អីយ៉ា! ចាំបាច់អីទៅក្រៅប្រទេសទៀត! កង់លើអាកាសឥឡូវសៀមរាបយើងក៏មានដែរ!

ពីមួយថ្ងៃទៅមួយថ្ងៃ ខេត្តសៀមរាបតែងតែបង្កើតកន្លែងកំសាន្តថ្មីៗជាច្រើន ដើម្បីបម្រើអោយវិស័យទេសចរណ៍ និងភ្ញៀវទេសចរណ៍ដែលកំពុងតែមានសន្ទុះគួរអោយគត់សម្គាល់។ នៅក្នុងនោះផងដែរ យើងក៏បាននាំយកនូវគំណិតប្លែកៗពីកន្លែងទេសចរណ៍នៅក្រៅស្រុក មកដាក់នៅក្នុងស្រុកដែរ ដើម្បីអោយអ្នកដែលមកទស្សនាកំសាន្តអាចមានសកម្មភាពសម្រាប់ធ្វើច្រើនមិនអផ្សុក បន្ទាប់ពីដើរកំសាន្តនៅប្រាសាទហើយមក។
ក្នុងនោះផងដែរ នាពេលថ្មីៗនេះ ខេត្តសៀមរាបបាននាំយកកង់ជិះលើអាកាសដែលធ្លាប់តែមានតែនៅបរទេស មកដាក់នៅក្នុងខេត្តដើម្បីអោយភ្ញៀវទេសចរណ៍ជាតិ និងអន្តរជាតិអាចទៅទស្សនា រឺជិះលេងកំសាន្ត ហើយបង្កើតនូវបទពិសោធន៍ដែលមិនធ្លាប់មានពីមុនមក។
ការបង្កើតនេះបានចូលរួមចំនែកអោយខេត្តសៀមរាបកាន់តែមានភាពសម្បូរបែប តម្រូវអោយគ្រប់រសជាតិនៃអ្នកទេសចរណ៍។ នៅចាំអីទៀត! ពេលនេះអ្នកមិនចាំបាច់ទៅក្រៅប្រទេសដើម្បីជិញកង់លើអាកាសនេះទៀតទេ៕

អត្ថបទដោយ ក. ស៊ូ ម៉ាស៊ី

ផ្សព្វផ្សាយដោយ (thebookcafebtb)

ប្រភព http://anarchak.com