កំណាព្យៈ បណ្តាំពុកម៉ែ

                   

                   កុំខ្ជិលនាំក្រណាស្ងួនភ្ញា                    កុំធ្វើខ្ជីខ្ជានាំអសោច

                   ប្រសិនខ្ជះខ្ជាយនាំហិនហោច             ដាច់ដោចខ្លោចផ្សាណាចរណៃ។

                   ប្រហែសប្រហោងតោងប្រយ័ត្ន          ប្រហែលបង់បាត់ផលកម្រៃ

                   ប្រហែសច្រើនដងនាំក្សិណក្ស័យ        ហិនហោចចង្រៃមិនស្រាកស្រាន្ត។

                   វិជ្ជាជាទ្រព្យជាប់អាត្មា                      ចោរចង់ប្រាថ្នាក៏មិនបាន

                   វិជ្ជាជួយឲ្យរស់ក្សេមក្សាន្ត                 ជីវិតចរថ្កានថ្កើងកិត្តិយស។

                   ប្រសិនមិនចេះត្រូវប្រឹងរៀន              ចង់ធ្វើអ្នកមានធំខ្ពង់ខ្ពស់

                   ព្យាយាមរៀនសូត្រសាងកេរ្តិ៍ឈ្មោះ     ឧស្សាហ៍សាបព្រោះសាងកុសល។

                   ទាន់ខ្លួននៅក្មេងក្រេបចំណេះ            កូនកុំប្រហែសនាំវិកល

                   ប្រហែសបាត់បង់អំណោយផល         ខូចខាតខ្វាយខ្វល់នាំស្តាយក្រោយ។   

អត្ថបទដោយ៖ ក. គីំម អ៊ី

ផ្សព្វផ្សាយដោយ៖ MyPando Group

ប្រភព៖ https://www.acledabank.com.kh/kh/khm/md_poem?id=56acd2f85500d246e0851f77035f8b4414a57c4f31735c8f37c9cec0f3739d47