Khmer
English
អង្គុយនឹកម៉ែក្បែរជើងក្រាន សម្អាតឆ្នាំងចានបានរាល់ថ្ងៃ
កូននៅម្នាក់ឯងតែងអាល័យ នឹកម៉ែពេកក្រៃក្រាសកន្លង។
កូនយកស្រាបព្រាយារដល់ចាន ទឹកភ្នែកឥតស្រាន្តឥតស្រាកម្តង
សម្លសំឡក់ក្លិនក្តាមខ្យង ទុក្ខក្តៅសៅហ្មងត្រកងគិត។
ដុតចិត្តឲ្យហើរផ្ញើរតាមខ្យល់ កូនកើតកង្វល់ដល់ម៉ែពិត
ស្រណោះម៉ែធ្លាប់តែនៅជិត គំនួចជីវិតងងឹតសុង។
ចង់ជួបជិតម៉ែស្រែស្រុកនាយ រួមរស់រីករាយជាយជើងមុង
ម្លប់ស្បូវផ្លូវស្អិតចូលដល់ក្រុង កាយកូននៅក្រុងចិត្តនៅស្រែ។
អ្នកនិពន្ធ៖កើយ ចិត្រា
អត្ថបទដោយ៖ ក. គីម អុី
ផ្សព្វផ្សាយដោយ៖ MyPando Group
No comments:
Post a Comment