ទន្លេនៅកម្ពុជា

ប្រទេសកម្ពុជាជាប្រទេសកសិកម្ម ដោយសារតែប្រទេសនេះសំបូរប្រព័ន្ធធារាសាស្ត្រធម្មជាតិ និង​ប្រព័ន្ធ​ផ្លូវ​ទឹក​ជាច្រើន​។ ខាងក្រោមនេះជាបញ្ជីរាយនាមទន្លេ​ ស្ទឹង បឹង និង ព្រែក នានា​នៅក្នុងប្រទេសកម្ពុជា៖

១.ទន្លេសាប

ទន្លេសាបគឺជាទន្លេមួយដែលតភ្ជាប់ពីបឹងទន្លេសាប ទៅ ទន្លេមេគង្គ ទន្លេមេគង្គក្រោម និងទន្លេបាសាក់នៅត្រង់កន្លែងដែលគេអោយឈ្មោះថាទន្លេចតុមុខ។ ទន្លេនេះមានប្រវែងប្រហែល ១០០គីឡូម៉ែត្រ។ ទន្លេនេះហូរកាត់ ខេត្តកំពង់ឆ្នាំង ខេត្តកណ្តាល និងរាជធានីភ្នំពេញ។ ទន្លេសាបគឺជាតំបន់ដីសើមទឹកសាប ដែលមានសារៈសំខាន់ជាងគេក្នុងភូមិភាគអាស៊ីអាគ្នេយ៍គ្រដណ្ដប់លើផ្ទៃដី២៥០.០០០-៣០០.០០០ហិចតា ក្នុងរដូវក្ដៅនិងមានវិសាលភាពធំជាង៥-៦ដងក្នុងរដូវវស្សា។

២.ទន្លេមេគង្គ

ទន្លេមេគង្គជាទន្លេវែងជាងគេលំដាប់លេខ១២[១]នៅក្នុងពិភពលោក។ ទន្លេមេគង្គគឺជាទន្លេដ៏សំខាន់មួយរបស់ពិភពលោក។ នៅក្នុងឆ្នាំ១៩៩៥ ប្រទេសឡាវ ប្រទេសថៃ ប្រទេសកម្ពុជា និងប្រទេសវៀតណាម បានបង្កើតគណៈកម្មការទន្លេមេគង្គឡើង ដើម្បីធ្វើការគ្រប់គ្រង និងការពារធនធានតាមដង់ទន្លេមេគង្គនេះឱ្យមានប្រសិទ្ធិភាព។ 

៣.ទន្លេបាសាក់

ទន្លេបាសាក់ គឺជាទន្លេដែលមានប្រភពមកពី ទន្លេមេគង្គលើ និង ទន្លេសាប ប្រសព្វគ្នានៅត្រង់ចតុមុខ ខាងមុខព្រះបរមរាជវាំង។

ទន្លេបាសាក់ គិតចាប់ពី ចតុមុខ ដល់ ដែនដីកម្ពុជាក្រោម រឺព្រំប្រទល់ប្រទេសវៀតណាម បច្ចុប្បន្ន។ ដែលឆ្លងកាត់ ខណ្ឌចំការមន ខណ្ឌមានជ័យ ក្រុងតាខ្មៅ ស្រុកស្អាង និងស្រុកកោះធំ។

ឆ្លងកាត់÷

-ខណ្ឌចំការមន

សង្កាត់ទន្លេបាសាក់

-ខណ្ឌមានជ័យ

សង្កាត់ចាក់អង្រែលើ

សង្កាត់ចាក់អង្រែក្រោម

-ក្រុងតាខ្មៅ

សង្កាត់ដើមមៀន

សង្កាត់តាខ្មៅ

-ស្រុកស្អាង

ឃុំស្វាយរលំ

ឃុំសិត្បូ

ឃុំរកាខ្ពស់

អត្ថបទដោយ៖ រឿន សីហា

ផ្សព្វផ្សាយដោយ​៖ MyPando Group

ប្រភទ៖ https://km.wikipedia.org/wiki/ចំណាត់ថ្នាក់ក្រុម:ភូមិសាស្ត្រកម្ពុជា