វត្ថុទាំង ៥ ដែលមនុស្សស្រីជាអ្នកបង្កើត ហើយបានធ្វើឲ្យពិភពលោកទាំងមូលផ្លាស់ប្ដូរ

 អ្នករាល់គ្នាភាគច្រើនប្រាកដជាគិតថា ស្នាដៃទាំងអស់នេះភាគច្រើនសុទ្ធតែជាមនុស្សប្រុសជាអ្នកបង្កើតហើយ។ ប៉ុន្តែជាក់ស្តែង មនុស្សស្រីក៏បានបង្កើតស្នាដៃជាច្រើនសម្រាប់ជាប្រយោជន៍ក្នុងការផ្លាស់ប្តូរពិភពលោកទាំងមូលផងដែរ។ ដូច្នេះថ្ងៃនេះ យើងនឹងណែនាំអ្នករាល់គ្នាមកស្គាល់ស្នាដៃបង្កើតទាំង៨ ដែលមនុស្សស្រីជាអ្នកបង្កើត ហើយបានផ្លាស់ប្តូរពិភពលោកទាំងមូល។

១. ទូទឹកកក

អ្នករាល់គ្នាភាគច្រើនសុទ្ធសឹងតែមានទូទឹកកកប្រើប្រាស់នៅក្នុងផ្ទះស្ទើរតែគ្រប់ៗគ្នាទៅហើយ ប៉ុន្តែអ្នកមិនដឹងថាអ្នកណាជាអ្នកបង្កើតនោះទេ ត្រូវទេ? ឈប់ឆ្ងល់ទៀតទៅអីចឹង ការពិតអ្នកដែលបង្កើតទូទឹកកកគឺជាអ្នកស្រី Florence Parpart ហើយគាត់បានបង្កើតវានៅក្នុងឆ្នាំ១៩១៤។

 

២. កម្មវិធីកុំព្យូទ័រ

កុំព្យូទ័រគឺជាឧបករណ៍ដែលមិនអាចខ្វះបាននៅក្នុងជីវិតប្រចាំថ្ងៃយើង។ តើអ្នកដឹងទេថា អ្នកសរសេរកម្មវិធីដំបូងគេបង្អស់គឺជាមនុស្សស្រី ហើយនាងមានឈ្មោះថា Ada Lovelace។ នាងធ្លាប់ធ្វើជាការជាមួយនឹងលោក Charles Babbage ដែលជាអ្នកបង្កើតកុំព្យូទ័រនៅក្នុងសាកលវិទ្យាល័យឡុងដ៍ក្នុងឆ្នាំ១៨៤២។  

 

៣. ម៉ាស៊ីនលាងចាន

អ្នកស្រី Josephine Cochrane បានបង្កើតម៉ាស៊ីនលាងចាននៅក្នុងឆ្នាំ១៨៨៧។ នៅគ្រានោះ គាត់បានដាក់លក់វានៅតាមបណ្តាសណ្ឋាគារធំជាច្រើន។ គាត់ថែមទាំងបានបើករោងចក្រដើម្បីផលិតម៉ាស៊ីនលាងចាននេះថែមទៀត។ 

 

៤. សឺរាំង

នៅពេលយើងឈឺធ្ងន់ យើងតែងតែត្រូវការសឺរាំងដើម្បីចាក់ថ្នាំ ជាក់ស្តែងវាត្រូវបានបង្កើតឡើងដោយអ្នកស្រី Letiti Geer នៅក្នុងឆ្នាំ១៨៩៩។ 

 

៥. ឧបករណ៍ផលិតការ៉េម

នៅក្នុងឆ្នាំ១៨៤៣ អ្នកស្រី Nancy Johnson បានបង្កើតឧបករណ៍ផលិតការ៉េម។ ហើយវាត្រូវបានគេយកមកប្រើប្រាស់រហូតដល់សព្វថ្ងៃនេះ។ 

 

អត្ថបទដោយ៖ រឿន សីហា

ផ្សព្វផ្សាយដោយ៖ MyPando Group

ប្រភព៖ https://www.neakbrach.com/knowledge/16152/